Witteberg

Hoërskool / High School

 

          

Witteberg beskik oor seuns en dogterskrieket waarvan die 1ste dogtersspan hul liga jaarliks oorheers. Die sandsteen krieketklubhuis is eie aan ons Oos-Vrystaatstreek met puik fasiliteite vir elke krieketspeler. Daar word in die Griffons en Oos ligas gekompeteer en verskeie provinsiale spelers is al opgelewer. 15 spelers word ingesluit in verskeie provinsiale spanne wat aan provinsiale en nasionale toernooie deelneem.

 

Krieket is ‘n spel wat jou leer om die meeste te maak met die beperkte tyd wat aan jou gegee word. Soos die lewe, kry mens gelukkige oomblikke waarin die bal reg wip terwyl sommige gevalle gekenmerk word aan ‘n rowwe kolfblad waar vrese bewaarheid word. Maar dit bly nietemin ‘n spel wat jou nederig maak en jou keer op keer nog ‘n kans bied.

Dit het tydens die afgelope seisoen goed gegaan met die Gentleman’s Game in Witteberg. Ons eerste span kon wel nie daarin slaag om die Griffonsliga te verower nie, maar het ‘n opwindende seisoen beleef waarin daar baie kans gegee was aan nuwelinge. Hoewel ons o/15 span ook uitstekend gevaar het te midde van ‘n op-en-af seisoen, het die dogters weereens die 2018 Thabo Mofutsanyana-liga verower deur onoorwonne te eindig.

Wat individuele prestasies aanbetref het ons seuns en dogters puik prestasies behaal. Verskeie spelers word ook na afloop van die onderskeie proewes verkies tot provinsiale spanne en menige prestasies is ook met die kolf en bal behaal. Die prestasies sluit onder andere die volgende in:

Seuns:  Regardt Botes   -   Vrystaat Platteland o/18A

                                            Krieketspeler van die jaar

                Du Toit van Huyssteen   -  Vrystaat Platteland o/18B

                Hendré Geldenhuis        -  Vrystaat Platteland o/18B              

                                                                             

Dogters:   Jakkie Cilliers     -  Vrystaat o/19

                Christen van Wyk  -  Vrystaat o/19

                Leoné Lubbe   -  Vrystaat o/19

 

 

Hierdie spelers gaan tydens die 2018 Desembervakansie aan verskeie nasionale krieketweke deelneem. Mag die voorreg om op ‘n krieketveld te stap elke speler inspireer om te besef dat die lewe vol kanse is.

Ons spreek ook ons dank uit teenoor die verskeie ouers en vriende van die skool wat gedurende die afgelope drie maande daagliks betrokke was by die opgradering van ons kolfblad. Hier wil ek graag vir Riaan van Schoor en Chris Schoonraad uitsonder wat groot werk verrig. Ons beoog om in 2019 met inwyding van die nuwe seisoen weer op ‘n splinternuwe blad te begin speel. Witteberg is werklik bevoorreg om mense te hê wat wil help en wat ‘n verskil maak.

 

“It is a grand old game, and we will play it as such!”

 

 

10 van Witteberg se krieketmeisies is ingesluit in verskeie Oos-Vrystaat Krieketspanne

O/16;

Van links; Leandi Penn, Leone Lubbe, Maruné McPhail en Anseri van der Westhuizen

 
 

 

O/19;

van links; Nanna van Zyl, Christen van Wyk, Jakkie Cilliers, Yvelle Swart, Jana Stuart (Afwesig; Pumzile Xaba)

 
 

 

 

 

 

Witteberg lewer vanjaar 19 krieketspelers op in verskeie Oos-Vrystaat Krieketspanne.

 

O/15B

van links; Lian Bubb, Henrico Janse van Rensburg, Phileo Lodewyk (Afwesig: Damian Badenhorst)

O/15A

van links; Du Toit van Huyssteen, TD Botha, Fritz Crouse n Ben Labuschgane

O/17A 

Van links; Willie du Plessis, Lourens van Rensburg, Hardus Mostert en Dian van Niekerk

O/18A

 

Witteberg se dogterskrieketspan het vandag Harrismith se dogters behoorlik laat les opsê. Harrismith het die loting gewen en besluit om eerste te kolf. Hulle word beperk tot slegs 56 lopies in hul gegewe 20 beurte met Yvellé Swart wat 2 penne laat kantel vir slegs 13 lopies in 4 beurte. Witteberg het in hul beurt vir Anseri van der Westhuizen en Leandi Penn ingestuur om die lopies te jaag. Die 2 het dit in slegs 8.1 beurte reggekry en Witteberg na 'n 10 paaltjie oorwinning gelei. Baie geluk aan die meisies wat vandag hul staal getoon het!

KENNISGEWINGBORD

Dans met die Campbells

Campbells

Speenkalfprojek

66333702 1134086390049103 4086354240442728448 n

PROSPEKTUS 2019

DMC Firewall is developed by Dean Marshall Consultancy Ltd