Witteberg

Hoërskool / High School

 

          

Wittebergrugby skop die 2018 seisoen af met vriendskaplike wedstryde teen Ermelo waar slegs een span nie die mas kon opkom nie. Witteberg speel ook vanjaar die eerste keer in die Sentrale Skolereeks, wat die volgende skole insluit: BVHS, Diamandveld, Noord Kaap, Jim Fouchè, Fichardpark, Sentraal en Goudveld. Ons spanne vaar uitstekend vir die eerste jaar en die derdespan wen die SSR-Liga. Wittebergrugby eindig algeheel derde in die reeks.

Die o/14A, o/15A, o/16A, Tweede- en Eerstespan onderneem ook ‘n toer na Naboomspruit waar dit besonders goed gegaan het met ons spanne. Hier speel ons teen spanne van onderskeidelik Oos-Moot, Pionier, Port Natal, Ellisras, Hugenote, Affies 3, Lydenburg, Piet Potgieter, HTS Tom Naude, Hans Strijdom, Oosterlig, HTS Witbank en Dinamika. Hier word groot welslae behaal, waar die o/15 en o/16 die toernooi wen. Witteberg kry ook die beker vir die skool met die beste dissipline. Ook behaal Craven van der Nest en Werner van den Berg die 0/18 uitnodigingspan na Europa einde 2018. Ryno Oosthuizen word aangewys as die beste o/16 speler van die toernooi.

Groot welslae word met ons B-spanne behaal. Die o/15B, o/16 B en o/14 B eindig onderskeidelik tweede en derde in die Griffonsliga.

Die o/14A, o/15A, o/16A, Tweedespan en Eerstespan vorder almal tot by die semifinaal van die Griffonsliga. Die o/14A, o/16A en derdespan wen die Griffons-liga onderskeidelik.

Baie dankie aan al die afrigters vir nog ‘n super jaar. Geluk aan die afrigters met die wen van die ligas. Dankie aan mnr. Coenie Venter vir sy lojale voorloop. Dankie aan mnr. Gabrie Labuschagné vir sy leiding as voorsitter van Witteberg Rugby. Dankie aan oom Hans Coetzee vir sy wysheid en leiding as Direkteur van rugby. Dankie aan mnre. Hendré du Toit, Alwyn Shields, Wessel de Bruin, Potberg Fourie, Brendon Shields, Paul Henning, Sarel Venter en dr. Chris Kotzé as buiteafrigters vir hul onbaatsugtige opoffering vir Witteberg deur 2018.

      

Baie dankie aan al die afrigters en spelers vir jul lojale opoffering in die 2018 seisoen. Ook ‘n woord van dank aan ons lojale ondersteuners en die Hoërskool Witteberg.

AAN ONS SKEPPER, ALLE LOF EN DANK OP EN AF VAN DIE VELD

18558875 708630756007708 3959863363601367373 o

 

Die Hoërskool Witteberg in Bethlehem is die skool met die meeste spanne wat in die finaal van die Griffonsliga gespeel het.  5 spanne van Witteberg het breëbors deurgedring na dié finaal. Die uitslae is as volg:   Die 0/14A–span is die naaswenners, die O/15A–span is die ligawenners en speel ook komende Saterdag in die Kovsiebeker semi-finaal teen Hoërskool Diamantveld nadat hul afgereken het met Hoërskool Noord-Kaap, die 0/16A-span is die ligawenners, die vierdespan is die ligawenners, die derdespan is die ligawenners, die tweedespan is die naaswenners en die eerstespan speel gelykop teen Afrikaans Hoërskool Kroonstad in die finaal.

Witteberg spog ook met die meeste provinsiale rygbyspelers ooit.  Twee spelers verteenwoordig Cravenweek, twee spelers Akademiese week, vyf spelers 0/19 Griffons, vier spelers VKB Barbarians, ses spelers Griffons 0/17 Rhino, drie spelers 0/16 Grant Khomo, ses spelers 0/16 Flaminke en elf spelers 0/15 Griffons Rhino. 

 Hierdie uitstekende prestasie het egter nie net in hul skote geval nie.  Na ‘n uitdagende 2016-rugbyseisoen is daar besluit om vroeg met kondisionering en vaardigheidsontwikkeling te begin en so is die rugby-akademie gestig onder leiding van Hans Coetzee (Direkteur van rugby). Witteberg spog egter met ‘n goed toegeruste gimnasium waar elke speler getrou ‘n kondisioneringsprogram volg.  Die spelers se vaardighede is deurentyd getoets en verbeter deur gebruik te maak van die Skillset-program onder leiding van mnr Brendon Shields. 

Witteberg het ‘n groot kopskuif gemaak en besluit dat hul fokus hierdie jaar sal wees om ligas te wen.  Elke speler het getrou en passievol geoefen, hul positiewe gesindheid en goeie gees was egter ‘n suksesresep. Witteberg afrigters en mediesepersoneel het ‘n geweldige bydrae gelewer tot die sukses van die rugby.

Ons hou egter duimvas vir ons 0/15-span vir eerskomende Saterdag om 09:00 met die Kovsiebeker semi-finaal in Bloemfontein op Shimlapark.

                                            Hoërskool Witteberg droom die ondoenbare, doen die onmoontlike. Witteberg maak van elke kind `n Meesterstuk!

 

 

Witteberg glo dat ‘n gesonde gees en rou passie vir rugby hand in hand gaan met sukses. 

Witteberg beskik oor ‘n bekwame afrigtingskorps wat uitstekende prestasies behaal en ‘n wen kultuur kweek.

Witteberg se toewyding tot gekondisioneerde spelers op en vanaf die veld, word ontwikkel deur die Witteberg rugby-akademie.  Hans Coetzee, Direkteur van Afrigting, is ‘n gesoute afrigter van die SA-skole span en talle provinsiale spanne.

Spelers word opgevoed oor die tegniese aspekte van die spel, deur verskeie klinieke en ook deur teoretiese klasse wat deel vorm van die skool se kurrikulum.  Witteberg se ten volle toegeruste kondisionerings fasiliteit ontwikkel spelers tot hulle volle potensiaal.

Word so deel word van die Witteberg rugby leefstyl.

Bring jou passie vir rugby en bewaarheid jou drome by Witteberg. 

 Dit loop saam met LO en leerders het in elke 9 dag siklus ‘n Rugby periode waar ons die volgende aspekte dek:

  • Ontstaan van die sport
  • Geskiedenis van rugby
  • Speler posisies en verantwoordelikhede
  • Die velduitleg en –oppervlak
  • Basiese reëls
  • Rugbyfeite en –statistieke
  • Praktiese sessies:
  • Hantering
  • Verspreiding
  • Skoppe
  • Spasie skep
  • In die spasie speel en hardloop

Kurrikulum:

  1. Leefwyse bestuur
  2. Portuurgroep, maats, ouers
  3. Gesondheid en welstand
  4. Dwelms en misbruik
  5. Sosiale vaardighede
  6. Beroep, werk, ambag
  7. Tydsbestuur
    1. Tegniese ontwikkeling

 .              Toepassing van reëls

  1. Posisionele vaardighede
  2. Persoonlike vaardighede
  3. Ontwikkelingspel
  4. Spelformaat
  5. Individuele rolle en verantwoordelikhede
  6. Veiligheid
    1. Fisieke ontwikkeling

 .              Liggaamsamestelling

  1. Uithouvermoë
  2. Krag
  3. Spoed
  4. Soepelheid
  5. Dieet
    1. Sielkundige ontwikkeling

 .     Sielkundige vaardighede

  1. Stres en werksverrigting
  2. Persoonlikheid
  3. Motivering
  4. Leerstyle
  5. Taktiese waardering

 .              Toepassing van reëls

  1. Tyd, ruimte, tempo
  2. Aanvallende fokus
  3. Verdedigende fokus
  4. Ontwikkelingspel
  5. Spelformaat
  6. Strategieë
  7. Taktiek
  8. Veldoppervlakte en –toestand
  9. Klimaat en weersomstandighede

KENNISGEWINGBORD

Dans met die Campbells

Campbells

Speenkalfprojek

66333702 1134086390049103 4086354240442728448 n

PROSPEKTUS 2019

DMC Firewall is a Joomla Security extension!