Hoërskool Witteberg is gesetel in Bethlehem, in die Oos-Vrystaat. Die skool is gestig in 1945 as Bethlehem Hoër Handelskool en is verander na ‘n akademiese hoërskool in 1972 met ‘n nuwe naam, nuwe skoollied, nuwe skooluniform en nuwe doelwitte.
Die naam van die skool is verander na Hoërskool Witteberg, met minder as 300 leerders. Hoërskool Witteberg het vinnig vooruitgegaan en hou sedert 1976 ‘n skoolrol van meer as 500 leerders.
In 1983 is ‘n nuwe skoolsaal, administratiewe blok en nog klaskamers in gebruik geneem. Sedertdien is tennis- en netbalbane, rugby- en hokkievelde, ‘n astro hokkieveld, 3 klubhuise en ‘n binnenshuise sportsentrum, gimnasium en fisioterapeutspreekkamer in gebruik geneem. Die skoolkoshuis het vyf ten volle bewoonde vleuels, een woonhuis en ‘n vloot van ses busse met leerders vanoor die hele land.
Die skool het 750+ ingeskrewe multikulturele leerders, ‘n personeel van 47 met 26 vakke wat in Engels en Afrikaans doseer word. Witteberg is vir 5 agtereenvolgende jare deur die Direkteur van Onderwys aangewys as die beste akademiese skool in die Oos-Vrystaat. Hoërskool Witteberg bied ‘n verskeidenheid sportkodes en kultuuraktiwiteite aan waarin die spanne uitblink en talle provinsiale en nasionale sterre oplewer.
Meneer Hannes Oosthuizen is tans skoolhoof en is die vyfde skoolhoof sedert 1972
