EXCELSUS:
Witteberg streef na akademiese uitnemendheid. Die Excelsus Wiskundeen Fisiese Wetenskappe-akademie is ‘n unieke inisiatief om leerderpotensiaal van “goed”na “uitnemend” te verhoog. Witteberg behaal jaarliks merkwaardige prestasies binne hierdie vakgebiede en word in 2017, 2019, 2021 en 2022 as die Nommer Een- skool in die Vrystaat vir Wiskunde en Fisiese Wetenskap aangewys. Hierdie diens is beskikbaar teen ‘n uiters bekostigbare fooi per kwartaal. Klasse word aangebied op die Witteberg-kampus.

BUITEVAKKE:
Ons probeer talle leerders akkommodeer ten opsigte van hul vakkeuses. By Witteberg is dit moontlik om ‘n vak buite die blok te neem. Ons buitevakke word na-ure aangebied. Die volgende vakke kan buite die blok geneem word:
Landbouwetenskap, Visuele Kuns, Dansstudies, Fotografie Rekenaartoepassingstegnologie, Inligtingstegnologie Duits, Musiek, Geskiedenis, Dramatiese Kuns, Alfa Wiskunde.

Alle buitevakke (alle vakke wat na-ure geneem word, ongeag sewende of ekstra vak) is onderhewig aan ‘n direkte ooreenkoms tussen die leerder se ouers en die onderwyser verantwoordelik vir die vak. Dit sluit betalings, lesure, datums van assessering, ens. in.

All additional subjects (subjects after hours as eighth or extra subject) are entitled to an agreement between the parents of the learner and teacher responsible for the subject. This will include payments, teaching schedules and dates for assessment.